ఇంజక్షన్ కంటే సమర్థవంతంగా పనిచేసే స్ప్రే వ్యాక్సీన్‌ని కెనడా లోని మెక్మాస్టర్ యూనివర్సిటీకి చెందిన పరిశోధకులు రూపొందించారు. ఇది కరోణా వ్యాధి నుంచి దీర్ఘకాలికంగా రక్షణ కల్పిస్తుందని చెప్తున్నారు.
ఇంజక్షన్ టీకా కంటే ఈ స్ప్రే వాక్సీన్ వలన శ్వాస వ్యవస్థకు నేరుగా ప్రయోజనాలు ఉంటాయని తెలిపారు. దీనిపై త్వరలోనే క్లినికల్ టెస్ట్‌లు ప్రారంభం అవనున్నాయి. ఇప్పుడు వేసుకుంటున్న ఇంజక్షన్ వ్యాక్సీన్ లు వైరస్ స్పైక్ ప్రోటీన్లను టార్గెట్ చేసుకుని పనిచేస్తాయి. వేరియంట్‌ను బట్టి ఈ వ్యాక్సీన్లు ఎప్పటికప్పుడు నవీకరించుకోవాలని, కానీ ఈ స్ప్రే వాక్సీన్ ఏ వేరియంట్ ఐనా సమర్థవంతంగా పనిచేస్తుందని తెలియజేశారు.
ఇది “ట్రైండ్ ఇన్నేట్ ఇమ్యునిటీ” పద్ధతిలో పనిచేస్తుంది. లంగ్స్ కు, ఇతర శ్వాసావయవాలకు కరోణా నుంచే కాకుండా ఇతర సూక్ష్మ క్రిములనుంచి రక్షణ కల్పిస్తుందన్నారు. దీనిని క్షయ వ్యాక్సీన్ నమూనాలను ఆధారంగా చేసుకును అభివృద్ధి చేశారు. దీనిని ఒకచోటినుండి మరోచోటికి తిసుకెళ్ళడం చాలా సులభం. అందుకని రవాణాలో కూడా ఇబ్బందులుండవని పేర్కొన్నారు.
