మీ వాహనాలపై పెండింగ్ చలాన్లు చెక్ చేసుకున్నారా? లేట్ చేయకూండా మరోసారి చెక్ చేసుకుని ఒకవేళ ఏమైనా చలాన్లు ఉంటే వెంటనే పే చేయండి. ఎందుకంటే ఇంకా మూడు రోజులే ఈ ఆఫర్ ఉంది.
ఇంతకు ముందు మార్చి 1 వ తేదీ నుండి 31 వ తేదీ వరకు ఈ డిస్కౌంట్ ఆఫర్ ఉండగా, మళ్ళీ కొందరు వాహనదారుల అభ్యర్థన వలన మరో 15 రోజులు పెంచి ఏప్రిల్‌ 15 వ తేదీ వరకు దాన్ని పొడగించారు. ఇప్పుడు ఈ సమయం కూడా పూర్తి కావస్తుండడంతో ఇంకా ఎవరైతే చలానాలు కట్టని వాళ్ళు ఉంటే తొందరగా కట్టేయాలని ట్రాఫిక్‌ ఉన్నతాధికారులు చెబుతున్నారు.
ఈ డిస్కౌంట్ లకు వాహనదారుల నుండి గొప్ప స్పందన లభిస్తోందనీ దీంతో రాష్ట్ర ఖజానాకు మంచి ఆదాయం వస్తుందని, దాదాపుగా తెలంగాణా రాష్ట్ర వ్యాప్తంగా 2.40 కోట్ల రూపాయల చలాన్లు చెల్లింపు జరుగుతోందనీ అధికారులు తెలిపారు.
